Foto: © Lydia Matschie
Wir fahren in die Welt hinaus
Do swěta my pojědźemy
Do swěta my pojědźemy, dźěći lube, chwatajće!
Jedni jědu do Berlina, hola, hola, holahej!
Druzy dale do Pekinga, hola, hola, holahej!
//: Dyralala, dyralala, dyrdomdejkom dyrdomdej! ://
Na dwórnišćo pochwatajće,
wozy prózdne čakaju.
Do wozow so njestorkajće,
nastupujće pomału!
Daloko je do Berlina, hola …
wjele dale do Pekinga, hola …
Dyralala …
Kolesa so wjerća spěšnje;
zda so nam, zo lećimy.
Před woknami pak so směšnje
wjerća štomy, kerčiny.
Přijěli smy do Berlina, hola …
potom dale do Pekinga, hola ….
Dyralala …
Prěnim so w Berlinje lubi,
druzy dale pojědu.
Za Uralom ćah so zhubi,
za čas dołhi dojědu.
Kaž ći prěni po Berlinje, hola …
ći nětk chodźa po Pekingje, hola …
Dyralala …
Z Pekinga so za poł lěta
mudriši dom wjezemy.
Nazhonili smy poł swěta,
kraje, ludźi, města, wsy.
Wostać njesměmy w Berlinje,
hola …
čakaja nas w Budyšinje, hola …
Dyralala …
Lied, Text und Noten dürften ausschließlich nicht-kommerziell genutzt werden. Das Material darf nicht verändert, kopiert oder weitergegeben werden.
Instrumental zum Mitsingen
Original mit Gesang
Worum geht's in dem Lied?
Ein Lied über eine lustige Zugfahrt von Bautzen nach Berlin und in die Welt hinaus.
Preisträger im Wettbewerb Sächsischer Mitmach-Fonds, Kategorie Lebendige Zweisprachigkeit.