Foto: James Wheeler @ Pexels
Jědlenka
W lěsu steji jědlenka
w pyšnym šaćiku,
hdyž na nju wšitcy hladaja,
so błyšći jědlenka.
W kuchni pječe maćerka
nam dobre poprjancy.
My rady wšitcy pomhamy
a kusk tež woptamy.
Na patoržičnym popołdnju
so kule wěšeja.
To móža być tež chłóšćenki,
to dźěći zwjesela.
Słowa: Wórša Wićazowa
Hudźba: Ruska ludowa pěseń
Spěw, tekst a noty steja pod Creative-Commons-licencu – mjenowanje awtora njekomercielnje 3.0 licenca za Němsku (CC BY‑NC‑SA 3.0).
Instrumentalna werzija za sobuspěwanje
Original ze spěwanjom
Dobyćerjo we wubědźowanju sakskeho fondsa „Čiń sobu“ w kategoriji „Žiwa dwurěčnosć“