Foto: Victoria Borodinova @ Pexels
Kołsanka
Kołsy, kołsy, koika!
Kón za wowsom rjehota.
Daj tom’ haplej něšto wowsa,
potom hólčka bóle kołsa.
Kołsy, kołsy kołs!
Kołsy, kołsy kołs!
Kołsy, kołsy koika!
Na koniku do města.
Makowe tam całty maja,
poprjancy šće přidawaja.
Kołsy, kołsy kołs!
Kołsy, kołsy kołs!
Kołsy, kołsy koika!
W měšće budźe kermuša.
Tři dny do prěnjeho sněha
lud tam z tykancami běha.
Kołsy, kołsy kołs!
Kołsy, kołsy kołs!
Słowa: Jan Radyserb (1822–1907)
Hudźba: Michał Čornak
Spěw, tekst a noty steja pod Creative-Commons-licencu – mjenowanje awtora njekomercielnje 3.0 licenca za Němsku (CC BY‑NC‑SA 3.0).
Instrumentalna werzija za sobuspěwanje
Original ze spěwanjom
Dobyćerjo we wubědźowanju sakskeho fondsa „Čiń sobu“ w kategoriji „Žiwa dwurěčnosć“